TheniTamilSangam.org - தேனித் தமிழ்ச் சங்கம்
http://www.thenitamilsangam.org
தேனித் தமிழ்ச் சங்கம்
(பதிவு எண்: 205/2017)
10, பள்ளிவாசல் தெரு, கம்பம் சாலை, தேனி - 625531, தமிழ்நாடு, இந்தியா.

உலகத் தமிழ்ச் சங்கம் மதுரை (தமிழ்நாடு அரசு நிறுவனம்) இணைப்பு பெற்றது.
இணைப்பு எண் : உதச / த 006 (UTS / TN 006), நாள்: 31-10-2019

thenitamilsangam.org
அண்மைய நிகழ்வுகள்



தேனி மாவட்டம் - தெரிந்து கொள்ள வேண்டியவர்கள்

தேனி மாவட்டத்தைச் சேர்ந்த பலர் தேனி மாவட்டத்திற்குப் புகழ் சேர்க்கும் வகையில் செயல்பட்டிருக்கின்றனர் / செயல்பட்டுக் கொண்டிருக்கின்றனர். ஆனால், இவர்களில் அரசியல், திரைப்படம் போன்ற துறைகளைச் சேர்ந்த சிலர் மட்டுமேப் பலருக்கும் தெரிந்தவர்களாக இருக்கிறார்கள். பிற துறைகளில் சிறப்பாகச் செயல்பட்டவர்கள் பலர் உள்ளூரை விட்டு வெளியில் அறியப்படாதவர்களாகவே இருக்கின்றனர். அவர்களையெல்லாம் அனைவரும் தெரிந்து கொள்ளச் செய்திடவும், அவர்களின் சிறப்புகளை ஆவணப்படுத்திடவும் தேனித் தமிழ்ச் சங்கம் முன் வருகிறது.

தேனி மாவட்டத்தைச் சேர்ந்த விடுதலைப் போராட்ட வீரர்கள், அரசியலாளர்கள், திரைத்துறையினர், எழுத்தாளர்கள், கவிஞர்கள், கலைஞர்கள், வணிகர்கள், தொழிலதிபர்கள், சமூக சேவகர்கள் அல்லது தெரிந்து கொள்ள வேண்டியவர்கள் என்று கருதும் அனைவரையும் “தேனி மாவட்டம் - தெரிந்து கொள்ள வேண்டியவர்கள்” எனும் தலைப்பில் நூலாக்கம் செய்யும் பணியைத் தேனித் தமிழ்ச் சங்கம் தொடங்கியிருக்கிறது.

“தேனி மாவட்டம் - தெரிந்து கொள்ள வேண்டியவர்கள்” எனும் நூலில் நூறு நபர்களைப் பற்றிய தகவல்கள் இடம் பெறும். மேலும் எண்ணிக்கை கூடுதலாகும் நிலையில், அடுத்து நூறு நபர்களுடன் தொகுதி 2 வெளியாகும். எண்ணிக்கை அதிகரிப்பிற்கேற்ப, தொகுதிகளின் எண்ணிக்கையும் அதிகமாகும்.

தேனி மாவட்டத்திலிருப்பவர்கள் அல்லது தேனி மாவட்டத்தைச் சேர்ந்தவர்கள், தாங்கள் அறிந்தவர்கள் குறித்தத் தகவல்களை ஏ-4 தாளில் நான்கு பக்கங்களுக்கு அதிகமின்றி வேர்டு கோப்பில் (MS Word) தமிழில் தட்டச்சு செய்து, கீழ்ப்பகுதியில் எழுதியவர் பெயர், முழு முகவரி, அலைபேசி எண் ஆகியவற்றையும் சேர்த்துத் தட்டச்சு செய்து, அந்தக் கோப்புடன், அவரது ஒளிப்படம் ஒன்றினையும் இணைத்து, thenitamilsangam@gmail.com எனும் முகவரிக்கு அனுப்பி வைக்கலாம்.

இங்கு இடம் பெற வேண்டியவர்கள் குறித்தத் தகவல்களைப் பிறரே அனுப்பிட வேண்டும். தங்களைத் தாங்களாக முன்னிறுத்தி எழுதி அனுப்புவதைத் தவிர்க்க வேண்டும்.

இந்நூலினைத் தொகுக்கும் தொகுப்பாசிரியர் குழுவினர் குறிப்பிட்ட நபர்களின் சிறப்புகளை ஆய்வு செய்து, அவர் தெரிந்து கொள்ள வேண்டியவர்தான் எனக் கருதும் நிலையில், அவரைப் பற்றிய தகவல்கள் நூலில் இடம் பெறும். இதில் தொகுப்பாசிரியர் குழுவின் முடிவே இறுதியானது. நூலில், தகவல் அளித்தவர் பெயரும் இடம் பெறும்.

தெரிந்து கொள்ள வேண்டியவர்கள் குறித்தத் தகவல்களை அனுப்பிடக் கடைசி நாள்: 30-6-2022.


இணையம் வழியிலான உரை மற்றும் நிகழ்வுகள்

தேனித் தமிழ்ச் சங்கம் மற்றும் சி. பா. ஆதித்தனார் தமிழியல் ஆய்வுக்கழகம் இணைந்து இணையம் வழியில் நாளும் ஒரு உரை மற்றும் கலந்துரையாடல் நிகழ்வினை 31-5-2020 வரை தொடர்ந்து மாலை 5.00 மணிக்கு வழங்கி வந்தது. தற்போது வாரந்தோறும் ஞாயிற்றுக்கிழமைகளில் மாலை 5.00 மணிக்கு இந்நிகழ்வு நடத்தப்பெற்று வருகிறது. மேலும், பல்வேறு சிறப்பு நிகழ்வுகளையும் அவ்வப்போது நடத்தி வருகின்றது.

இந்நிகழ்வில் பங்கேற்க விரும்புபவர்கள், https://meet.google.com/hzr-ekri-gmf எனும் இணைய முகவரியினைப் பயன்படுத்தி Google Meet எனும் செயலி வழியாக Ask Join அல்லது Join Meeting என்பதைச் சொடுக்கி, அதன் வழியாக இணையலாம். Enter Code என்று வரும் நிலையில் அங்கு hzr-ekri-gmf என்று உள்ளீடு செய்து இணையலாம். Google Meet வழியாக இணைந்தவுடன், அங்கே தெரியும் தங்களது ஒலிவாங்கி (Mike) மற்றும் நிகழ்படம் (video) ஆகியவற்றுக்கான குறியீட்டை அணைத்து (Mute) வைத்து, சிறப்புப் பேச்சாளரின் உரையினை அனைவரும் தெளிவாகக் கேட்க உதவ வேண்டுகிறோம்.

இந்நிகழ்வில் பங்கேற்பவர்களுக்கு மின்னஞ்சலில் பங்கேற்புச் சான்றிதழ் அனுப்பப்பட்டு வருகிறது.

வாரம் ஒரு உரை மற்றும் கலந்துரையாடல் நிகழ்விலும், சிறப்பு நிகழ்வுகளிலும் கலந்து கொள்ள வாரீர்...!


வார உரைகளின் பட்டியல்

நாள்
தலைப்பு
உரை வழங்குபவர்
உரையாளர் விவரம்
19-6-2022
கடற்கரை வாழ்வியல் அனுபவங்கள்
திரு. அருள் சினேகம்
தலைவர், கடற்கரை இலக்கிய வட்டம், இரயுமன்துறை, பூத்துறை அஞ்சல், கன்னியாகுமரி மாவட்டம்.
26-6-2022
இணையத்தில் இனிய நிகழ்வுகள் 150
முனைவர் இரா. காமராசு
தலைவர், நாட்டுப்புறவியல் துறை, தமிழ்ப் பல்கலைக்கழகம், தஞ்சாவூர்.



சிறப்பு நிகழ்வுகள்



புரவலர் / புதிய உறுப்பினர் சேர்க்கை

தமிழ் மொழி, தமிழர் பண்பாடு, கலைகள் சார்ந்த துறைகளில் வளர்ச்சியையும், செழுமையையும் இலக்காகக் கொண்டு பதிவு செய்யப் பெற்ற அமைப்பான தேனித் தமிழ்ச் சங்கத்தில் புரவலர் சேர்க்கை, புதிய உறுப்பினர் சேர்க்கை, உறுப்பினர் நிலை புதுப்பித்தல் போன்றவை நடைபெற்றுக் கொண்டிருக்கின்றன. கீழ்க்காணும் விண்ணப்பப் படிவங்களில் தேவையானதைத் தரவிறக்கம் செய்து பயன்படுத்திக் கொள்ளலாம்.

* புரவலர் சேர்க்கை படிவம்

* புதிய உறுப்பினர் சேர்க்கை படிவம்

* உறுப்பினர் நிலை புதுப்பித்தல் படிவம்



© 2018-2022 தேனித்தமிழ்ச்சங்கம்.அமைப்பு | பொறுப்பாகாமை அறிவிப்பு | ரகசிய காப்பு கொள்கை | உங்கள் கருத்துக்கள்

இத்தளத்தினை வடிவமைத்து வழங்கிக் கொண்டிருப்பது

முத்துக்கமலம் பன்னாட்டுத் தமிழ் மின்னிதழ் (www.muthukamalam.com)

(ISSN: 2454-1990)